Teksa karriera e Iscos nuk është në kulmin e saj, ku spanjolli po lufton për një vend në formacion, me të dashurën e tij, Sara Salamo ndodh krejtësisht e kundërta.
26-vjeçarja po përjeton një moment shumë të bukur sa i përket aspektit profesional. Bukuroshja është shfaqur përkrah fituesve të çmimit Oscar, Penelope Cruz dhe Javier Bardem, në filmin spanjoll “Everybody Knows”. Në film, premiera e se cilit ishte në shtator, bukuroshja ka pasur rolin e saj më të rëndësishëm që mund të shpjerë atë drejt Hollywood. Megjithatë, karriera e saj si aktore ka filluar që në moshë të vogël, kur ishte 18 vjeç në operën “Arrayan”.
Në këtë moment të vështirë në karrierën e tij, Isco do ketë një arsye se përse të gëzohet.
