Skuadra e Interit po planifikon të bëjë një merkato cilësore në muajin janar dhe pasi janë lidhur me shumë emra të njohur të futbollit evropian, tashmë kanë nisur bisedimet me disa nga këta futbollistë.
Nga Franca raportohet se drejtues të zikaltërve kanë nisur bisedimet me skuadrën e PSG-së për shërbimet e mesfushorit Adrien Rabiot, të cilit i skadon kontrata në fund të sezonit.
Por Interi nuk ka ndërmend të presë deri në qershor dhe kërkon ta marrë në janar për një shumë të kënaqshme për të dyja palët, pasi duket qartë se Rabiot nuk ka ndërmend të rinovojë në kryeqytetin francez.
