Për shkak të dëmtimeve të Mattia Caldara dhe Mateo Musaçhio, Milan do të rifutet në merkato për tu përforcuar me mbrojtës në janar, dhe emri më shumë i përfolur në ambientin kuqezi është ai i brazilianit Rodrigo Caio. Por, mbi profilin e tij nuk është shumë i sigurtë eksperti i famshëm i futbollit Brazilian, Andersinho Marques.
“Rodrigo Caio në këtë sezon ka luajtur vetëm 10 ndeshje. Deri dy vite më parë konsiderohej dhe ishte një talent i madh premtues si mbrojtës qëndror i Brazilit, ka fituar edhe me skuadrën olimpike. Vitin e kaluar luajti mirë, por jo shumë mirë, ndërsa këtë vit ka patur disa dëmtime, ndaj nuk ka qenë një vit i nivelit të lartë. Në këtë moment ekzakt, Rodrigo Caio nuk është një futbollist që bën për Milan”, deklaroi eksperti Brazilian.
