Vendosni që të dilni për një gotë verë apo për një darkë, por duhet të merrni parasysh edhe pritjen.
Ata që presin më shumë janë meshkujt, të cilët duhet të zënë një vend diku në shtëpi ndërkohë që partnerja e tyre zgjedh veshjet, bën makijazhin me konturim alla-Kardashian, rregullon flokët dhe zgjedh këpucët.
Por këtë hall në familjen Cana e paska bashkëshortja e futbollistit të njohur shqiptar.
Monica publikoi një foto e veshur sportive, ku qëndron e ulur duke pritur Lorik Canën që të bëhet gati.
“Kur bashkëshorti yt është më i avashtë se ty për t’u bërë gati për të dalë”, shkruan në foton e publikuar në InstaStory.
Na vjen keq Monica, por në këtë rast nuk na mbetet gjë tjetër të themi veçse na duhet një bashkëshort si Loriku, që të mos kemi më debate për vonesat.
