Aksio Torino-Madrid është kthyer në qendër të vëmendjes. Juventus dhe Real Madrid mund të bëhen protagoniste të një operacioni tjetër të bujshëm në merkato. Nuk është një sekret që “Zonja e Vjetër” ka vënë në shënjestër prej kohësh brazilianin Marcelo. Njëkohësisht, marrja e tij do të sillte shitjen e Alex Sandro, vendin e të cilit do ta merrte ylli i Real.
Kështu, në orët e fundit janë kthyer zërat e një këmbimi për të cilin është folur edhe në shtator. Kontratat e të dy lojtarëve janë drejt skadencës dhe ideja e këmbimit duket shumë e realizueshme.
Gjithsesi, madrilenët do të donin edhe një shumë parash përveç mbrojtësit bardhezi, duke parë vlerat e ndryshme të dy futbollistëve. Në fakt, kartoni i Marcelo vlerësohet 60 milionë euro, ndërsa ai i Alex Sandro 45.
Pavarësisht se mbrojtësi i bardhezinjve është tre vite më i ri, vlerësimi i të dyve duket i drejtë dhe dy klubet duket se kanë marrë kohë që të mendohen.
