Granit Xhaka dhe bashkëshortja e tij Leonita kanë shkaktuar një “tërmet” të vërtetë në mediat europiane. Futbollisti shqiptar i Arsenalit publikoi një foto me gruan e tij duke krijuar me duar simbolin kombëtar të shqiptarëve “Shqiponjën” në kujtim të Festës së Pavarësisë së Shqipërisë ditën e djeshme.
Megjithatë, prestigjiozja britanike “The Sun” shkruan se çifti Xhaka mund të krijojnë përshtypje dhe antipati në Perëndim pasi “shqiponja” konsiderohet një simbol i nacionalizmit shqiptar.
Xhaka u përball me kritika dhe sulme të ashpra për festimin e golit ndaj Serbisë në Kupën e Botës me duart e kryqëzuara, njësoj si Xherdan Shaqiri. Pas përfundimit të eventit më të madh futbollistik, ata kërkuan falje publike në mediat zvicerane.
Por Xhaka e ka të pamundur të refuzojë dashurinë dhe krenarinë për prejardhjen e tij shqiptare.