Vllaznia ka pësuar humbjen e parë në këtë sezon futbollistik. Shkodranët, të drejtuar nga trajneri Hasan Lika janë mposhtur minimalisht 1-0 nga skuadra e Ilirisë në stadiumin “Redi Maloku” të Fushë- Krujës. Kuqeblutë e Likës nuk ishin në ditën e tyre më të mirë, teksa nuk arritën të reagonin si duhet për të barazuar shifrat.
Tashmë gara për vendin e parë është rihapur, pasi tashmë Vllaznia ndodhet vetëm 4 pikë larg Erzenit të vendit të dytë. Autor i golit për skuadrën e Ilirisë ishte Zuna që në minutën e 58-të, arriti të çojë topin në rrjetë.
