Mesfushori shqiptar i Botosanit, Enriko Papa ka shënuar një autogol në sfidën ndaj kryesuesve të Kluzh. Në minutën e 10-të, pas një mosmarrëveshje në zonë, topi është devijuar nga Papa dhe ka përfunduar çuditërisht në rrjetë.
Një moment që mund të evitohej, pasi në zonë ishin 3 lojtarë të Botosanit dhe 1 kundërshtar. Kujtojmë që futbollisti nga Kuçova u transferua në fillim të sezonit nga radhët e Lushnjës te skuadra e Ligës së Parë rumune.
Papa ka fituar vendin e titullarit te Botosani, madje ka shënuar edhe 1 gol. Por në sfidën e sotme, fati nuk ka qenë me të, duke u bërë protagonist për keq.
