Luka Modric i ka dalë në mbrojtje Sergio Ramos pasi bashkëkombësi dhe shoku i ekipit te Kroacia Dejan Lovren ka kritikuar spanjollin.
Lovren është shprehur për Copa90 se reputacioni i Ramos është i madh për shkak se kur ai bën gabime, ekipi fiton 5-1 dhe askujt nuk i intereson.
Pasi është takuar me Lovren në qendrën stërvitore të Kroacisë në prag të ndeshjeve të Nations League ndaj Spanjës dhe Anglisë, Modric është pyetur për kritikat e qendërmbrojtësit të Liverpool ndaj Ramos.
“Ramos është një lojtar i madh dhe një kapiten i madh,” shprehet Modric për gazetarët. “Për mendimin tim, të gjitha kritikat drejt tij janë të pavlera. Në futboll të gjithë kanë një memorie të shkurtër.
“Ai ka karakter dhe jam i sigurt se kritikat nuk kanë rëndësi për të.”
