Paris SG vazhdon të dominojë në Ligue 1 i udhëhequr nga dyshja e ëndrrave Mbappe-Neymar, por në kampionatin francez është një lojtar që ka qenë më vendimtar në 2018-ën se dy yjet e Pariasit.
Duket e pabesueshme, nga momenti që PSG ka fituar kampionatin sezonin e kaluar dhe që po dominon këtë aktualin, por kjo statistikë është me të vërtetë e pabesueshme: Memphis Depay, deri më tani, është futbollisti më vendimtar i kampionatit francez.
Fantazisti holandez ka zbarkuar në Francë në janarin e 2017-ës për 16 milionë euro dhe është një nga më të mirë e Lyon. Memphis, në fakt, ka shënuar 16 gola në total dhe ka dhënë 13 asiste në 2018-ën. Kjo do të thotë se ai ka marrë pjesë në realizimin e 29 golave të skuadrës së tij.
Shifra këto që janë kaluar vetëm nga Luis Suarez, Leo Messi dhe Cristiano Ronaldo në Kontinentin e Vjetër.
Luis Suarez | 24 gola | 15 asiste |
---|---|---|
Leo Messi | 26 gola | 11 asiste |
Cristiano Ronaldo | 29 gola | 8 asiste |
Memphis Depay | 16 gola | 13 asiste |
“Është një lider i vërtetë dhe është një kënaqësi ta kesh në skuadër ka thënë presidenti Jea-Michel Aulas. Fjalë këto që tregojnë rëndësinë që ka Depay për Lyon-in. Pa shkuar shumë larg, perlat e fundit kanë ardhur të dielën kundër Guingamp: një dygolësh që e ka lejuar ekipin e tij të vazhdojë vrapin drejt Champions League. Me një Depay në këtë formë, gjithçka është e mundur.