Ronaldo shënoi golin e tij të nëntë në Seria A duke u bërë golashënuesi më i mirë në Kampionat së bashku me Piatek. Portugezi e nisi me ngadalë aventurën e tij në Itali, duke mos shënuar në tre ndeshjet e para me fanellën e “Zonjës së Vjetër”, por më pas, nuk kanë munguar golat. Përtej të gjithave, është interesante fakti që CR7 shënon kur Real Madrid-i i “tij” humbet. Tashmë, pas golit të shënuar ndaj SPAL, mund të themi që është shndërruar në “traditë”.
1.Udhëtimi filloni më 6 tetor, kur Juventusi ishte udhëtues në Udine ndërsa Real Madrid i Lopetegui, vizitoi Alaves. Ndeshja u luajt pothuajse në të njëjtën kohë, me ndeshjen spanjolle që filloi fiks në kohë për të parë dy golat e portugezit në “Dacia Arena” të Udines. Agonia e “Los Blancos” zgjati nëntëdhjetë minuta. Aq mjaftuan për Manu Garcian për t’i dhënë tri pikë Alaves dhe te konfirmonte momentin e keq për të gjithë në shtëpinë e klubit “galaktik”.
2.Vazhdon më 20 tetor, kur në mesditë, Real Madrid pret në “Santiago Bernabeun” Levanten. Ekipi i Lopetegui ka bërë performancën më të keqe, ku në minutën e trembëshjetë kishin pësuar dy gola. Marcelo shkurton diferencën, por Real ngriti flamurin e bardhë. Disa orë më vonë, Juventus nuk arriti të marrë tre pikë ndaj Genoas, por Cristiano Ronaldo shënoi, si për t’ia bërë më të hidhur humbjen ish- skuadrës së tij.
3.Një javë më vonë, Juventus luftoi shumë për të marrë tre pikë nga takimi me Empolin. Ndeshja u mbyll 1-2 në favor të “Zonjës së Vjetër” dhe dy golat u shënuan nga ylli portugez. Nga ana tjetër, lojtarët e Real Madrid zbresin në “Camp Nou” për “El Clasico” për të treguar se mungesa e Ronaldos nuk ndihej në skuadrën e tyre. Rezultati? 5 gola të pësuar, që i kushtuan edhe stolin Julen Lopeteguit.
Katër humbje nga Real, katër herë nga Ronaldo. Tashmë është një traditë, por për të qenë të saktë, Real Madrid ka humbur 6 ndeshje. Ku ishte Ronaldo? Më 26 shtator, kur “Los Blancos” humbën ndeshjen e parë të sezonit me Sevilla, CR7 dha asisit për Matuidi duke ndihmuar në fitoren 2-0 Bologna-s. Dhe në mbrëmjen e 2 tetorit, kur “galaktikët” u mposhtën e Ligën e Kampionëve nga CSKA Moska, portugezi doli me karton të kuq kundër Young Boys, por mund të thuhet me siguri se ai do të kishte shënuar gol në atë ndeshje.