Sipas medieve belge, Jose Mourinhos ka vëzhguar me vëmendje progresin e Axel Witsel te Borussia Dortmund dhe lojtari është në krye të listës së dëshirave të trajnerit të famshëm portugez. Axel Witsel është transferimi më i goditur i Borussia Dortmund gjatë verës së kaluar. Belgu është një nga lojtarët më të rëndësishëm të skuadrës gjermane.
Sipas belges Het Laatste Nieuws, 29-vjeçari është vëzhguar nga Mourinho në fitoren 2-0 të Belgjikës ndaj Islandës në Nations League.
Mesfushori i Dortmund është blerë 20 mln euro nga TJ Quanjian. Por edhe Mourinho ka shfaqur interes për lojtarin gjatë verës, megjithëse Witsel zgjodhi gjermanët që kryesojnë Bundesliga-n për të vazhduar karrierën e tij.
