Ish-lojtari i Barcelonës dhe Real Madridit, Figo, beson se legjenda e Brazilit, Ronaldo ka qenë një golashënues më i mirë sesa Cristiano Ronaldo. Portugezi është pyetur se kush është më i mirë prej dy Ronaldo-ve, 45-vjeçari zgjodhi brazilianin.
“Varet, Cristiano shënon më shumë me kokën e tij, mirëpo të dy janë mbresëlënës”, ka thënë Figo.
“Përderisa Ronaldo ende vazhdon të luaj, them se Ronaldo i pensionuar ka qenë numër një para golit, mirëpo edhe Cristiano është garantues i golave ashtu si Fenomeni”.
Ronaldo për Kombëtaren e Brazili i shënoi 62 gola në 98 paraqitje, duke përfshirë edhe dy gola në fitoren e finales së Kupës së Botës ndaj Gjermanisë.
Ndërsa Cristiano momentalisht po kalon një formë të mirë me klubin e tij të ri, Juventusin, pasi i ka shënuar 10 gola në shtatë ndeshje të Serie A-së.
