Trajneri i kombëtares italiane Roberto Mancini thotë se Stephan El Shaarawy do të grumbullohet nëse vazhdon të paraqitet mirë.
“Duam të vazhdojmë aty ku e lamë ndaj Polonisë. Kjo është rruga e duhur,” shprehet ai në konferencën e shtypit në prag të ndeshjes me Portugalinë dhe Amerikën.
“Bëmë një ndeshje të madhe, por kemi mundësi të përmirësohemi në shumë aspekte dhe të shënojmë gola më herët.
“Vendi i parë në grupin tonë të Nations League? Do të luajmë ndaj Portugalisë në San Siro, një ndeshje shumë e vështirë, gjithashtu të shpresojmë që Polonia të barazojë. “Mos-grumbullimi i Balotellit? Kemi kohë deri në Kampionatin Europian dhe ka shumë lojtarë që do të grumbullohen nëse luajnë mirë.
“El Shaarawy është një shembull i pastër: nëse vazhdon të luajë mirë, si të tjerët, atëherë do të grumbullohet.
“Belotti? Ai mund të bëjë më mirë. Lojtarët e rinj? Kemi grumbulluar Zaniolon për ta parë në stërvitje nga afër. Ai është vetëm një shembull. Do të ketë të tjerë.”
