Presidenti i Lazios, Claudio Lotito, është mjaft i kënaqur me punën e drejtorit Igli Tare. Për këtë arsye kreu i klubit bardhekaltër i ka rinovuar kontratën shqiptarit deri në vitin 2020 me një opsion edhe për dy vite të tjera.
Ish-sulmuesit të Kombëtares shqiptare i përfundonte kontrata në fund të këtij muaji, teksa raportohet nga mediat italiane se tashmë ka firmosur kontratën e re tek e cila paga i është dyfishuar.
Gjatë dy viteve të ardhshme, Igli Tare pritet të përfitojë pak më shumë se 1 milion euro në sezon, apo rreth 2 milion euro gjithsej.
