Mbas pushimit ndërkombëtar, Interi është përqendruar përsëri në Seria A. Aty ku kërkon kthesën bindëse, pas disfatës rëndë që pësoi kundër Atalantas. Synimi është për të mos u shkëputur nga Napoli dhe Juventusi.
Përditë po flitet gjithnjë e me më shumë këmbëngulje për ardhjen dhe ndikimin e menjëhershëm të Bepe Marotta tek Interi. Trajneri zikaltër, Spalletti jep mendimin e tij në këtë drejtim: “Ne duhet të presim, kemi dëgjuar sinjale të klubit dhe sidomos të presidentit.
Nuk mund të them shumë mbi situatat kontraktuale, por jam i bindur për diçka: Marotta është si një “playmaker”, që luan midis linjave. Ai e di më së miri se si ndërtohet një ekip. E ka ndërtuar karrierën e tij hap pas hapi, ka qenë në ekipe të çdo niveli të kampionatit tonë. Rezultatet e arritura flasin qartë për të”.
