Pas polemikave për caktimin e arbitrit Blerim Ziri për ndeshjen e djeshme, Kukësi-Flamurtari, dhe më pas zëvendësimin e tij me Olsi Sokolin, sytë në ndeshjen e luajtur në Kamzë ishin dukshëm te performanca që do të bënin gjyqtarët, të cilët ishin paragjykuar nga vlonjatët.
Përveç disa faulleve të diskutueshme gjatë lojës, ku Sokoli mund t’i kishte menaxhuar më mirë, i vetmi rast për moviolë ishte ai i minutës së 92-të. Mbrojtësi i Flamurtarit, Albi Alla, i rikthyer në fushë pas dëmtimit, rrëzoi Rexhinaldon gjatë një dueli ajror në zonë. Sulmuesi dhe lojtarët e tjerë të Kukësit pretenduan penallti, por gjyqtari vazhdoi lojën. Pamjet filmike i japin të drejtë Sokolit.
