Zbulimi i “Football Leaks” rreth vendimit të 5 klubeve më të mëdha angleze për t’u ndarë nga pjesa tjetër në lidhje me krijimin e Superligës Europiane, kanë marrë gjithë vëmendjen e shtypit britanik.
“Të zbuluar” shkruan “Mirror Sport”, duke iu referuar Liverpulit, Çelsit, Mançester Sitit, Mançester Junajtid dhe Arsenalit.
Ky komplot sekret ka bërë jehonë edhe në faqet e tabloidëve të tjerë britanikë. Por shumë më dramatike ishte faqja e parë e “The Sun”, ku shkruhej: “Fundi i lojës sonë”. Klubet angleze dyshohet se ashtu si shumë klube të mëdha të vendeve të tjera europiane, janë paguar nga UEFA për të penguar krijimin e Superligës Europiane.
