Barcelonës i duhet patjetër të përforcojë mbrojtjen në merkaton e janarit, pasi aktualisht trajneri Valverde është mjaft i kufizuar në zgjedhjet për këtë repart, për shkak të dëmtimeve.
“Sunday Express” në Angli bën me dije se klubi katalanas po përpiqet të marrë nga Çelsi 31-vjeçarin David Luiz. Braziliani i bluve të Londrës shihet si një alternativë e mirë për gjysmën e dytë të sezonit nga drejtuesit e Barcelonës.
Pak kohë më parë doli në skenë edhe emri i mbrojtësit serb të Zenitit, Branislav Ivanoviç. Është e qartë se Barcelonës i nevojitet me shumë përvojë në prapavijë, ndaj dhe po kërkon ekspertë për pozicionin e qendrës.