Një lajm tragjik vjen nga Australia, ku një futbollist 21-vjeçar është mbytur teksa lahej në oqean dhe më pas u sulmua nga peshkaqenët.
Erik Birixhiti po lahej me miqtë e tij në brigjet e “Twilight”, në 2 janar, por ajo duket se ka qenë dita e fundit e jetës së tij. Sipas dëshmisë së miqve të tij, 21-vjeçari u tërhoq nga rryma dhe u mbyt dhe më pas u sulmua nga disa peshkaqenë.
Gjithashtu ata në dëshminë e tyre thonë se e kishin të pamundur të bënin diçka, në mënyrë që t’i vinin në ndihmë shokut të tyre. Birinxhiti në karrierën e tij si futbollist, kishte fituar një kampionat për të rinj në SHBA, me fanellën e Kasting Bronkos, teksa së fundmi aktivizohej me Tomas Akuinas në Nju Jork.