Neymar i bëri shenjë Kuipersit për të treguar se lojtarët e Napolit nuk ishin vendosur (në mur) në distancën e duhur, por mori si përgjigje kartonin e verdhë. Ylli i kampionëve të Ligue 1 u përgjigj me një duartrokitje sarkastike ndaj incidentit: “Arbitri më tregoi diçka, që nuk duhet dhe nuk ishte e respektueshme”.
Barazimi i Napolit erdhi nga një penallti e diskutueshme, pasi Jose Callejon dukej në pozitë të dobët për ta çuar përpara aksionin. Lorenzo Insigne realizoi nga pika e bardhë, duke anuluar epërsinë e parë të Juan Bernat. Të dyja skuadrat ndanë nga një pikë.
Pika dhe humbja e Liverpool në Beograd ishin të mjaftueshme për ta mbajtur PSG në garë për kualifikim, pasi kampionët francezë kanë pesë pikë nga katër ndeshje, në Grupin C. Napoli dhe Liverpool kanë nga gjashtë pikë, në krye të grupit.
