Çelsi i Murisio Sarrit po kalon një moment shumë të mirë në këtë fillim sezoni të ri, pasi në 10 takimet e para ka 7 fitore dhe 3 barazime. Edhe pse ende të pamposhtur, trajneri italian beson se ka ende vend për tu përmirësuar, sidomos në repartin e sulmit.
Alvaro Morata është numri 9 i Çelsit dhe sulmuesi kryesor i bluve, por nuk po arrin të tregojë potencialin e plotë të tij, duke shënuar vetëm 4 gola në 11 takime.
Kjo është një mesatare shumë negative, duke pasur parasysh që skuadra e Çelsit ka shënuar 24 gola deri më tani. Sarri ka reputacionin si trajneri që “shpëton” sulmuesit dhe e ka treguar këtë gjë edhe te Napoli.
Emra si Mertens, Higuain, Insinje dhe Milik janë rritur nën urdhrat e trajnerit italian dhe kanë arritur të kapin majat. Misioni i radhës për Sarrin duket të jetë Morata.
