Antonio Kasano nis “jetën” përtej futbollit. Pasi vari këpucët në gozhdë pak javë më parë, ish-sulmuesi i Romës, Milanit dhe Interit ka folur për planet e së ardhmes, por analizon edhe situatën në të cilën ndodhet futbolli italian.
Kasano thotë se niveli është shumë i ulët dhe merr një shembull konkret me Mauro Ikardin, për të cilin thotë se nuk mund të luante kurrë si titullar në vitin 1999. “Më pëlqen të qëndroj në botën e futbollit dhe dua të bëhem drejtues. Sigurisht që Sampdoria është shtëpia ime dhe tani do të nis të mësoj disa gjëra.
Por, niveli i futbollit italian është shumë i ulët në vitet e fundit. E them këtë jo për të bërë lajm, por sepse është e vërtetë. Për shembull, në vitin 1999 Ikardi nuk do të ishte titullar tek Interi”, thotë Kasano.