Vetëm pak ditë më parë, pas ndeshjes miqësore me Uellsin, ishte presidenti i FSHF, Armand Duka, i cili në një prononcim për TV Klan, deklaroi se tashmë nuk ishte momenti që të ndërronte trajnerin e Kombëtares, duke larguar kështu Kristian Panuçin, duke parë që ndeshjet zyrtare do vinin në Mars.
Por, edhe pse posti i trajnerit të Kombëtares është një ekskluzivitet i Dukës, duke qenë se e vendos ai emërimin dhe shkarkimin në atë post, fjalët e tij publike duket se nuk kanë mjaftuar.
Sot, plot 8 ditë pas miqësores me Uellsin, FSHF ka dalë me një deklaratë zyrtare ku konfirmon sërish trajnerin Panuçi në krye të Kombëtares, edhe pasi presidenti Duka e deklaroi diçka të tillë. Më poshtë, njoftimi i sotëm nga FSHF.
Nisur nga disa spekulime dhe lajme abuzive që kanë qarkulluar në disa media orët e fundit, Federata Shqiptare e Futbollin dëshiron t’iu informojë se nuk është aspak e vërtetë që jemi në kërkim të një trajneri të ri për Kombëtaren Shqiptare të Futbollit.
FSHF është duke punuar dhe bashkëpunuar maksimalisht me trajnerin Panucci për të arritur rezultate sa më të larta në kualifikueset për Kampionatin Europian 2020.