Sulmuesi i Barcelonës, Ousmane Dembele është një nga emrat më të lakuar në shtypin sportiv, dhe kjo jo për aftësitë në fushë, por prapësitë jashtë saj.
Francezi, i cili u transferua në “Camp Nou” nga Borussia Dortmund për shifrën rekord të 115 milion euro po kalon një periudhë aspak të mirë në radhët e Barcelonës. Dhe kjo gjë u duk edhe ditën e sotme me kampionin e botës që u tregua arrogant me gazetarët spanjoll që kishin dalur ta prisnin në aeroportin e Barcelonës.
Atij i kanë drejtuar disa pyetje, por francezi nuk ka dhënë asnjë përgjigje.Me fanellën katalanase Dembele është aktivizuar në 28 takime, duke shënuar edhe 7 gola. Gjithsesi, kjo sjellje mund të ndikojë negativisht për Dembele, i cili është nxjerrë në shitje nga drejtuesit katalanas.