Alban Hoxha nuk i shpëton dënimit nga klubi i Partizanit.
Kapiteni dhe njëkohësisht portieri i Partizanit ka lënë dje ambientet e paraburgimit pasi ishte ndaluar nga policia duke drejtuar automjetin nën efektin e alkoolit.
Duket se drejtuesit e klubit “Të kuq” dhe trajneri Skënder Gega nuk e kanë “gëlltitur” dot këtë ngjarje dhe kanë vendosur që Hoxha të mos luajë në derbin ndaj Tiranës.
Ishte vetë tekniku ai që e lajmëroi këtë gjatë konferencës së djeshme për shtyp ku tha se portieri nuk do të luajë në derbi.
Të premten në orën 18:00 në stadiumin “Selman Stërmasi” do të luhet derbi i kryeqytetit ndërmjet Partizanit dhe Tiranës e vlefshme për javën e 15-të të Kategorisë Superiore.