Tifozët ukrainas të Vorskla Poltavës ndërprenë për 10 minuta sfidën e Ligës së Europës ndaj Qarabagut të Ansi Agollit.
Vorskla po humbte 1-0, teksa ultrasit ndezën në pjesën e dytë flakadanë dhe fishekzjarrë që krijuan një tymnajë të madhe që pushtoi stadiumin, teksa arbitri u detyrua ta ndërpriste ndeshjen deri sa reja e tymit të largohej.
Skuadra azerbajxhanase arriti të triumfonte me rezultatin 0-1 në transfertë, duke marrë 3 pikët e para në fazën e grupeve.
Ansi Agolli ishte i padisponueshëm për këtë takim, ndërsa shqiptari tjetër, Ardin Dallku, që aktivizohet në radhët e Vorsklas, e ndoqi ndeshjen nga stoli.
