Italiani ka mbërritur mbrëmjen e së hënës në Shqipëri dhe është pritur në aeroportin “Nënë Tereza” nga drejtori sportiv, Andi Matraxhiu. Ky i fundit ka bërë të ditur ardhjen e italianit me anë të një postimi në “Intagramin” personal. Kamza nuk duket e dorëzuar, por shpreson që të kthehet në rrugën e duhur. Afrimi i Gjokës dhe Cordella-s e tregon më së miri ambicien e klubit të drejtuar nga presidenti Naim Qarri për të qëndruar në Superiore.
“Shumë njerëz këto muaj më kanë pyetur se si mund të qëndroj larg futbollit. Në fakt, nuk mundem. Kam vendosur të pranoj ofertën e Kamzës, të cilët i falenderoj për mundësinë dhe do të jem drejtor i përgjithshëm i skuadrës. E nis këtë aventurë me shumë entuziazëm dhe pasion. Ne kemi një projekt të rëndësishëm për të ndërtuar, le ta bëjmë!“, – shkruante Cordella në Instagramin e tij në momentin që mori përsipër drejtimin e ekipit të Kamzës.
