Presidenti i Federatës Shqiptare të Futbollit, Armand Duka, ka thënë se kurrë nuk e ka menduar shkarkimin e trajnerit të ekipit kombëtar, Christian Pannucit, madje duke i dhënë atij notë të lartë në krahasim me rezultatet e tij deri tani.
Presidenti i Federatës Shqiptare të Futbollit, Armand Duka, i ftuar në emisionin “Wake Up” në Top Channel, vlerësoi me notë punën e trajnerit Christian Panucci nën drejtimin e kombëtares shqiptare të futbollit.
Kur u pyet se çfarë note i vinte nga 1 në 10, Duka u shpreh: “10 i jepet vetëm vetes, ndërsa tjetrit nuk i jep dot më shumë se 6 apo 7”.
Duka mohoi të ketë kontaktuar me Bledar Kolën për t’i dhënë rolin e trajnerit, duke thënë se nuk e ka menduar kurrë shkarkimin e Panuccit.
“Nuk kam kontaktuar me Kolën kohët e fundit. Në mars nisin ndeshjet zyrtare dhe nuk mund të bëjmë eksperimente”, theksoi Duka.