Ish-mbrojtësi i Kombëtares shqiptare, Nevil Dede, thotë se edhe në Shqipëri janë sulmuar stadiumet në të kaluarën. Por prej shumë vitesh sipas ish-kapitenit dhe trajnerit të bardhebluve, kjo gjë nuk ndodh më.
“Është stres i madh dhe ankth të gjendesh në autobus dhe të vërshojnë gurët nga të gjitha anët. Nuk mendohet më për futboll pastaj. Ka ndodhur edhe tek ne, pasi ndryshuan sistemet, kanë qenë vitet 1993 dhe 1994 kur dilnin në rrugë dhe na gjuanin me gurë, por tani këto skena nuk i shohim më në Shqipëri”, ka thënë ndër të tjera trajneri i Kombëtares së femrave U-19 në “Zona Gol” në Supersport”.
