Të shtunën Shqipëria mbyll llogaritë në “Loro Boricci” përballë Skocisë. Nëse kuqezinjtë mposhten në shtëpi, ata nuk rrezikojnë direkt të bien nga Liga C në Ligën D, pasi duke qenë se grupi jonë është me tre ekipe, skuadrat që zbresin në ligën e fundit janë vendet e katërta. Megjithatë, ekipi nuk duhet të mbetet i qetë. Shqipëria do të përfshihet mes ekipeve të treta më të mira gjithmonë nëse përfundon në këtë pozicion, por edhe ky nuk është një rezultat i mirë.
Kuqezinjtë për të vazhduar më tej garën në Ligën e Kombeve, duhet të mposhtin të paktën me 4 gola diferencë Skocinë të premten, në mënyrë që të mos përfundojnë në vendin e tretë, pozicioni i fundit në grupin 1. Por shanset duken shumë të vështira, duke parë se Skocia nuk është aspak një ekip modest. Prandaj duhet pritur ndeshja e fundit e Qipros në grupin 3 dhe në rast dështimi të Shqipërisë dhe një golavarazhi më të mirë të qipriotëve, jemi ne që zbresim në Ligën D, e caktuar nga rregullorja e UEFA-s. Shqipëria ka golavarazh të barabartë me Qipron (-3), por me tre pikë, pasi ka fituar një ndeshje në shtëpi, ndërsa Qipro asnjë ( i ka humbur të dyja).
Prandaj, të shtunën ndaj skocezëve, ekipit i bën punë vetëm fitorja, pastaj llogaritë matematikore do të nxjerrin në dritë dhe rrugëtimin e mëtejshëm të Shqipërisë.
