Renditja në krye të tabelës në La Liga, rezultatet e mira në Champions League, rikthimi i Messit pas dëmtimit, krijojnë panoramën e një Barcelone që duket se gjithçka po shkon ashtu siç duhet, por në fakt ndryshe paraqitet situata në zyrat e klubit.
Katalanasit kanë një problem dhe ai quhet “Malcom”. Sulmuesi ka paralajmëruar drejtuesit e klubit se do të kërkojë të largohet në merkaton e janarit nëse nuk do të marrë më shumë minuta.
Braziliani u prezantua si blerja më e shtrenjtë verës, por deri në këtë fazë të kampionatit ai ka luajtur vetëm 25 minuta. Malcolm nuk është në planet e trajnerit Ernesto Valverde, dhe sipas “Mundo Deportivo”, 21-vjeçari është në një gjendje të rënduar psikologjike.
Në zyrat e klubit është kthyer në çështje “Malcom”. Edhe pse lojtari ka deklaruar se qëllimi i tij është të triumfojë në “Camp Nou”, një gjë e tillë duket paksa e vështirë. Kjo situatë e bërë lojtarin të mendojë seriozisht të ardhmen e tij dhe të kërkojë largimin. Merkatoja e janarit pritet të jetë deçizive për të.
