Inter dhe Arsenal raportohet se janë duke kryesuar garën për shërbimet e qendërmbrojtësit të Atalanta-s Gianluca Mancini, i cili konsiderohet si Marco Materazzi i ri. Mbrojtësi ka arritur të shënojë në tre ndeshjet e fundit të Serie A, përfshi këtu ndaj Inter në fitoren 4-1 të Atalantas.
Ai së fundmi ka rrëfyer se e gjithë familja e tij mbështet Inter-in dhe se ka një tatuazh me numrin e fanellës së Materazzi-t pasi fituesi i Kupës së Botës është idhulli i tij.
Sipas Tuttosport, Atalanta nuk ka ndërmend ta shesë 23-vjeçarin në janar, por mund të fillojë bisedimet për një transferim të mundshëm në verë.
Inter është favorit duke parë që do të ishte preferenca e parë e lojtarit, por Arsenal është gati t’i shpallë luftë për firmën e talentit italian.