Sipas raportimeve nga mediat e huaja, ylli kroat Ivan Rakitic u bind të refuzojë ofertën tunduese të Paris Saint-Germain gjatë merkatos së verës falë një pakti të bërë kokë më kokë me trajnerin e Barcelonës, Ernesto Valverde, që i premtoi se do të ishte një titullar i padiskutuar në formacionin e katalanasve.
30-vjeçari Rakitic, ishte subjekt i një oferte marramendëse nga ekipi i Ligue 1, prej plot €90 milionë në fund të gushtit, vetëm pak ditë para përfundimit të afatit të merkatos verore. Kjo pas katër sezonesh fantastike me blaugranat. Referuar raportimeve të “Sport”, trajneri Valverde siguroi qëndrimin e mesfushorit te Barça, duke i premtuar atij se do të mbetej gjithmonë pjesë e formacionit blaugrana. Konkretisht Rakitic ka qenë 11 herë në formacionin e Barcelonës në këtë sezon.