Partizani “rrëmbeu” një pikë në transfertën e Durrësit përballë Teutës, duke thelluar në +5 distancën me ndjekësit. Një pikë që kënaq jo pak teknikun e “demave të kuq” Skënder Gegën, i cili shprehet se morën pikë në një ndeshje shumë të fortë.
“Pika ndaj Teutës më kënaq pasi shkojmë 5 pikë para. Ishte një ndeshje të fortë dhe për këtë komplimentoj Shkëmbin. Erdhëm për fitore. Ndeshja tregoi që kemi probleme. E filluam keq, por morëm atë që merituam pasi bëmë maksimumin.Ndërhyrja e Hilës ndaj Osmanit ishte faull i pastër pasi shkëputet topi. Kaq. Çfarë doni nga unë që t’iu them. Për të tjerët pyesni arbitrat. Më vjen shumë keq që më pyesni mua për kështu gjërash. Ky faull është faull. Nuk besoj se ka ndryshuar rrjedhën e lojës.- përfundoi Gega.
