Gjigantët e Serie A, Milan, mund të ndihmohen nga Denis Suarez për të marrë shërbimet e mesfushorit të Chelsea-t, Cesc Fabregas, në janar.
Kuqezinjtë janë të prirë për të shtuar opsionet në mesfushë gjatë merkatos së janarit dhe thuhet se Fabregas është një nga objektivat e tyre, me spanjollin që nuk po luan rregullisht te Chelsea nën drejtimin e Maurizio Sarri-t.
Sipas “Calciomercato.it”, Milan-i mund të ndihmohet për të arritur te Fabregas nga Denis Suarez, nëse ai shkon tek Chelsea në merkaton e janarit.
Surez është gjithashtu një nga objektivat e milanezëve, por duket i paarritshëm për shkak të kërkesave të Barcelona-s, që e vlerëson lojtarin mbi 40 milionë euro.
Megjithatë, Chelsea duket se do të bëjë një lëvizje për Denis dhe, nëse arrijnë ta marrin, atëherë Fabregas do të largohet.
