Manchester United i ka dhënë dritë jeshile Jose Mourinho-s për të blerë Toby Alderweireld në merkaton e janarit. Trajneri portugez ka hartuar një listë transferimesh për janarin dhe ia ka paraqitur shefit Ed Woodward, sipas The Sun.
Mbrojtësi i Tottenham Alderweireld, i cili është përfolur edhe në verë për një kalim në Old Trafford pasi nuk arriti marrëveshjen e rinovimit me Spurs, është prioriteti. Mourinho e kërkoi me ngulm belgun, por transferimi nuk u materializua.
Kontrata aktuale e Alderweireld skadon në fund të sezonit, por Tottenham ka të drejtën të rinovojë me lojtarin për një vit tjetër, që do të aktivizonte klauzolën 30 mln euro.
