Çdo e mirë e ka një të keqe… Pas performancës mjaft të mirë të shtunën në mbrëmje kundër Espanjolit, Osman Dembele bëhet sërish çështje. Francezi u paraqit në qendrën stërvitore 2 orë me vonesë dhe lajmin e bën të ditur gazeta spanjolle “MARCA”.
Nuk është hera e parë që kampioni i botës bën sjellje të tilla dhe nuk është i disiplinuar. Ai u stërvit i veçuar, pasi mbaruan përgatitjet shokët e tij të skuadrës. Francezi rikthehet të bëjë sërish sjellje të pahijshme, teksa të njëjtin episod e bëri një muaj më parë.
U tha se kishte probleme në stomak, por trajneri Valverde e la jashtë listës për ndeshjen me Betisin. Nuk dihet se çfarë do të bëjë tani trajneri Valverde, por Dembele ka filluar të jetë një lojtar i rëndësishëm për formacionin katalanas.
