Është shkaktuar viktima e parë pas “Superklasikes” mes River Plejt dhe Boka Zhunior. “Milionerët” fituan këtë takim të luajtur në Bernabeu me rezultatin 3-1. Nga Argjentina raportohet se 2 tifozë të Bokas kanë vrarë një fans të Riverit kur ky i fundit po festonte, 21-vjeçari Ezekuel Nerius u sulmua dhe u qëllua me thikë duke humbur jetën.
Policia lokale ka arrestuar 2 vëllezër të moshës 18 dhe 22 vjeç. Ndeshjet mes këtyre ekipeve nuk kalojnë asnjëherë pa ngjarje të tilla, por kjo cilësohej si takimi i shekullit pasi luhej për finale e Kupës së Libertatores.
