Cristiano Ronaldo e ka mbyllur vitin kalendarik 2018 me fletë lavdërimi, pasi u shpall zyrtarisht si golashënuesi më i mirë i Real Madrid, ndonëse u largua nga klubi madrilène pas përfundimit të sezonit të kaluar, ndërkohë që në vetëm katër muaj te Juventus, është pozicionuar menjëherë si golashënuesi i dytë më i mirë për bardhezinjtë.
Pikërisht, portugezi 33-vjeçar shënoi plot 28 herë për Los Blancos, që në total është një gol më shumë se vendi i dytë, ku renditet Gareth Bale, ndërkohë që Karim Benzema klasifikohet vetëm në vend të tretë me 18 gola. Ndërkohë që pesë herë fituesi i “Topit të Artë”, edhe pasi u transferua në verë për shumën e €112 milionë, ka vijuar të bëjë atë që më mirë ai di, të shënojë gola edhe te Juventus në Seria A.
Është Paulo Dybala ai që kryeson klasifikimin e golashënuesve te ekipi bardhezi, me 16 gola, por Ronaldo ndodhet vetëm 1 gol pas argjentinasit, ndonëse gjendet te “Zonja e Vjetër” prej vetëm 4 muajsh. Ndërkohë, kroati Mario Mandžukić siguroi vendin e tretë me 13 gola në emrin e tij. Pikërisht gjatë kësaj avenenture te bardhezinjtë, CR7 ka realizuar edhe golin e 100-të për Juventus në të gjitha kompeticionet gjatë 2018.
