Trajneri i Kamzës, Ernest Gjoka, është shprehur për Supersport pas humbjes 1-0 ndaj Flamurtarit në Vlorë se është i kënaqur me skuadrën e tij, por e pësuan vetëm nga një gabim.
“Mendoj që e kishim përgatitur ndeshjen ashtu si duhet. Futbolli është i paparashikueshëm. Gabuam një rast dhe e pësuam. Ne gjithë kohës jemi në provë. Atë që e kam thënë e kam thënë për ngritjen e moralit dhe skuadra po mundohet për të marrë diçka. Përballë kishim një skuadër si Flamurtari. Unë jam i kënaqur me çunat, sepse dhanë maksimumin.
Ne detyrat tona i kishim dhënë, por dikush do të gabojë që të pësohet goli. Lufta mes 4 skuadrave do të jetë shumë e ofrtë do jetë e gjatë. Ai që do të mbijetojë, dotë tregojë shumë karakter dhe dinjitet, kështu që ne nëse i japim këto, unë mendoj se ne në fund do arrijmë të shpëtojmë. Merkato? Çdo gjë në momëntin e duhur, por mendoj se kemi nevojë shumë dhe e kemi diskutuar gjatë edhe me presidentin. Nëse sot do kishim qendërmbrojtës në dispozicion, atëherë do të kishim marrë më shumë me Arrabal në mesfushë”.
