Koret raciste që i janë drejtuar mbrojtësit të Napoli-t Kalidou Koulibaly gjatë ndeshjes së luajtur mes Inter-it dhe Napoli-t të mërkurën në mbrëmje, kanë shkaktuar shumë polemika.
Por ka patur shumë solidaritet për futbollistin senegalez, duke filluar nga Cristiano Ronaldo. Portugezi, në fakt, ka shkruar në Instagram: “Në botën e futbolli duhet të ketë gjithmonë edukatë dhe respekt. Jo racizmit dhe çdo forme tjetër të diskriminimit!”.
Më vonë ka ardhur edhe përgjigja e Koulibaly, i cili ka dashur ta falënderojë yllin e bardhezinjve: “Faleminderit Cristiano! Fjalët e tua janë shumë të drejta! Shpresoj që situata të ndryshojë me të vërtetë një ditë!”.
