Disa prej jush mund ta mbajnë mend sulmuesin malazez Stefan Nikoliç, i cili iu bashkua Partizanit gjatë merkatos së verës që lamë pas. 28-vjeçari u prezantua nga klubi kryeqytetas, por pak javë më vonë palët u ndanë.
Ndoshta, shkak për këtë ka qenë e kaluara problematike e futbollistit, i cili kishte pasur jo pak disa probleme në klubet e mëparshme. Jetë nate e shfrenuar dhe sigurisht shumë alkol.
Por, duket se këto “prapësi” tani janë pjesë e së shkuarës. Në këtë sezon në kampionatin serb, Nikoliç po merr minutat që i mungonin prej vitesh te skuadra e Radnikut, ndërsa situata jashtë fushe është akoma më e mirë. Ndoshta arsyeja për këtë “rikthim në shina” është lidhja me bukureshen Tijana, e cila duket sa ka rrëmbyer zemrën e sulmuesit ngatërrestar.
