Kategoria Superiore mbylli javën e 15-të, por ajo rikthehet shumë shpejt, me takimet e fundjavës tjetër, që premtojnë spektakël dhe një luftë të fortë sportive.
Gjithçka hapet me kryendeshjen e javës së 16-të, me Kukësin që pret Skënderbeun ditën e premte, më datë 7 dhjetor, ora 18:00, në stadiumin “Elbasan Arena”.
Më pas, dy takime të tjera luhen ditën e shtunë, në datë 8 dhjetor. Në orën 14:00, Kamza pret Luftëtarin, në një takim direkt për mbijetesën, ndërsa në orën 17:00, të gjithë me sytë nga Durrësi, ku Teuta dhe Partizani premtojnë një sfidë plot drithërima.
Ditën e dielë, më 9 dhjetor, Tirana pret Kastriotin në orën 14:00 në “Selman Stërmasi”, në një takim gjithashtu që vlen shumë për mbijetesën, ndërsa në orën 17:00, mbyllet edhe java me takimin mes Flamurtarit dhe Laçit në Vlorë. Më poshtë, tabloja e plotë e të pesta takimeve.
JAVA 16
E premte, 7 dhjetor
18:00 | Kukësi-Skënderbeu
E shtunë, 8 dhjetor
14:00 |Kamza-Luftëtari
17:00 |Teuta-Partizani
E dielë, 9 dhjetor
14:00 |Tirana-Kastrioti
17:00 |Flamurtari-Laçi
