Genoa i dha lamtumirën Kupës së Italisë, pasi u eliminua pas gjuajtjes së penalltive, nga skuadra e Serisë C, Virtus Entella, gjë që i kushtoi pankinën trajnerit kroat Ivan Juriç.
Ky i fundit mori drejtimin e skuadrës më 9 Tetor, duke zënë vendin e Davide Ballardinit, që ishte njëkohësisht edhe pasardhësi i tij (Vitin e kaluar kishte zëvendësuar Juriç), por rezultatet nuk ishin aspak në favor të tij.
Në 7 takime në kampionat, Genoa mori vetëm 3 pikë nën drejtimin e Juriç, duke regjistruar 3 barazime dhe 4 humbje, ndërsa eliminimi ndaj Virtus Entellës bëri që “Kupa të derdhej” dhe Preziosi të shkarkonte për herë të dytë trajnerin kroat.
Bashkë me lajmin për shkarkimin e Juriç, klubi i Genoas njoftoi se drejtimin e skuadrës do ta marrë ish trajneri i Italisë, Cedsare Prandelli, i cili do të nisë punë që nga disa e nesërme, për të drejtuar ekipin edhe në ndeshjen e fundjavës.
