Skuadra e Claude Puel për katër ditë ja ka shuar Chelseat dhe Manchester Cityt ëndrrat në rrugë për titull pasi që të dyja këto skuadra i ka mposhtur. Leicester fitoi me rezulta 2-1 sonte në King Poëer Stadium duke mposhtur kampionët e Premier Ligës të Pep Guardiolës
Humbja e tretë brenda një muaji për kampionin e Premier Ligës Manchester City dhe ajo vije nga kampioni i vitit 2016-të, Leicester City.
Një ndeshje ku City regjistron humbjen e tretë brenda tri jave, pas humbjes nga Chelsea fillimisht në mes të muajit dhe mandej nga Crystal Palace para katër dite dhe sonte kundër Leicester.
City e nisi më mirë pjesën e parë pasi që ishte në epërsi në minutën e 14-të me anë të Bernardo Silvas.
Por Leicester kthehet shpejt në lojë dhe shënon gol në minutën e 19 me anë të Marc Albrighton.
Me rezultat 1-1 përfundon pjesa e parë.
Në pjesën e dytë City luajti më mirë, por ishte Leicesteri që arriti ta fiton ndeshjen.
Një gol i bukur i Ricardo Pereira në minutën e 81 e thelloi edhe më shumë krizën e City të Pep Guardiolës të cilët tani kanë 7 pikë më pak se Liverpooli që e përfundon pjesën e parë të kampionatit më 51 pikë, kurse City më 44 dhe ka humbur pozitën e dytë në tabelë pasi që tani është Tottenham që e ndjek Liverpoolin.
Në anën tjetër Leicester me këtë fitore arrin në kuotën e 28 pikëve dhe gjendet në pozitën e shtatë më katër pikë më pak se Manchester United dhe 9 pikë më pak se Chelsea dhe Arsenal në anën tjetër.
