Po luhet në Vlorë, sfida përmbyllëse e javës së 16-të të Kategorisë Superiore, mes Flamurtarit dhe Laçit. Kuqezinjtë e Ilir Dajës do të kërkojnë të rikthehen te fitorja për t’iu afruar rivalëve në luftën për një vend në zonën e Europës.
Nga ana tjetër, kurbinasit në 5 takimet e fundit kanë arritur 3 fitore 1 barazim dhe 1 humbje. Një triumf ndaj vlonjatëve, do ta rriste në +7 diferencën ndaj Flamurtarit të vendit të 6-të dhe do ta barazonte skuadrën e Memellit me Teutën.
Trajneri Daja nuk ka në dispozicion Bathën dhe Useinin, të cilët zëvendësohen nga Pollozhani dhe 17-vjeçarit, Rrapaj. Teksa sulmi do të formohet nga treshja Alvesh-Kale-Bushiç. Për sa i përket Laçit, Gjoni ka zënë vendin e Elerit të dëmtuar, ndërko Shtubina është graduar në majën e sulmit.
FLAMURTARI-LAÇI 1-0
Danilo Alvesh 43′
KOMENTI LIVE:
90+2′ Siljanovski provon me një goditje fluturimthi, por topi shkon jashtë kuadratit.
90′ Akordohen 6 minuta shtesë.
88′ Shpëton për mrekulli porta e Flamurtarit. Të pafat kurbinasit, pas devijimit të Altiparmakovskit topi përplaset në shtyllë. Vjen aty Xhixha që mundohet ta shtyjë në rrjetë, por shkakton faull ndaj portierit Koliçi.
83′ Zëvendësim i tretë te Flamurtari, largohet Kale, në fushën e lojës Sokol Ymeraj.
82′ Flamurtari provon të shënojë golin e sigurisë me Danilon, por mbyll mjaft bukur Toro, që nuk lejon sulmuesin që të finalizojë pas krosimit të Mustës nga e majta.
78′ Koliçi bën një pritje fantastike, pas gjuajtjes së Shtubinës nga brenda zonës, duke iu mohuar golin kurbinasve.
77′ Tjetër zëvendësim te Laçi. Largohet Sefgjinaj, në lojë Altiparmakosvki.
73′ Zëvendësim te Flamurtari, largohet 17-vjeçari Rrapaj, në fushë Emiljano Musta.
70′ Alesio Hyseni ndëshkohet me karton të verdhë për ndërhyrje të gabuar ndaj Toros.
69′ Mundësi e shkëlqyer për Laçin me Ndriçim Shtubinën, i cili godet me kokë, pas krosimit nda e djathta, topi shkon, jashtë kuadratit.
65′ Danilo Alvesh kthen një top të rrezikshëm në qendër të zonës, largon gjithçka Toro.
56′ Fantastik Flamurtari në këto minuta. Danilo Alvesh provon me një roveshatë nga brenda zonës, topi përplaset në traversën e portës së mbrojtur nga Selmani.
54′ Mundësi e artë për Flamurtarin, me Kale, i cili futet bukur në zonë, kërkon të shmangë dhe portierin, por në fund gabon.
50′ Ardit Deliu provon me një gjuajtje të menjëhershme në hyrje të zonës, topi shkon jashtë kuadratit.
46′ Starton pjesa e dytë. Laçi kryen zëvendësimin e parë. Largohet Berisha, në fushë Ardit Deliu. Xhixha kalon në majën e sulmit.
Përfundon pjesa e parë, 1-0.
45′ Akordohen 2 minuta shtesë.
44′ Danilo Alvesh dhe Berisha ndëshkohen me karton të verdhë, duke e çuar në 5 numrin e futbollistëve të ndëshkuar në pjesën e parë.
43′ GOOOOL FLAMURTARI 1-0. Danilo Alvesh shënon një supergol. Braziliani lëshon një perlë nga distanca, teksa topi devijohet disi dhe përfundon në trekëndëshin e portës së mbrojtur nga Selmani.
36′ Lojë e ashpër në mesfushë, Shtubina ndëshkohet me karton të verdhë.
35′ Kale provon të hedh një krosim të rrezikshëm në zonë, por topi shkon drejt e në duart e portierit Selmani.
30’ Xhixha i vjedh topin Siljanovskit në të majtën dhe pasi hyn në zonë i jep një pasim mbrapa Jonuzit, por ky i fundit nuk gjen hapësirën dhe humbet një mundësi mjaft të mirë.
28′ Kale harkon në zonë, për Bushiç, por nuk arrin sulmuesi kroat ta devijojë topin me kokë.
25′ Duele të ashpra në mesfushë. Vlonjatët më kërkues në këto minuta.
21′ Pranë golit Laçi. Një dalje e gabuar e Koliçit, për pak sa nuk u shndërrua në një asist për kurbinasit, por topi ka shkuar jashtë kuadratit.
18′ Ndëshkohet me karton të verdhë edhe Tomislav Bushiç për ndërhyrje të gabuar ndaj Mersinajt.
14′ Mesinaj ndëshkohet me karton të verdhë për ndërhyrje të gabuar ndaj Pollozhanit.
8′ Flamurtari pretendon për 11-metërsh, pas rrëzimit të Bushiç brenda zonës. Nuk është i këtij mendimi gjyqtari maltez që vazhdon lojën.
3′ Danilo Alvesh jep shkëndijën e parë, me një gjuajtje të rrezikshme me kokë, topi shkon ngjitur me shtyllën.
1′ Ka startuar takimi, Laçi luan topin e parë nga qendra.
