Lionel Messi është i famshëm për të qenit vetëmohues, por edhe ai duhet të jetë habitur kur e ka parë veten të renditur në vendin e pestë në votimin për Topin e Artë në fillim të kësaj jave.
Superylli i Barcelonës, i cili e ka fituar këtë çmim prestigjioz më shumë se çdo futbollist tjetër në histori me përjashtim të Cristiano Ronaldos, mori më pak vota se fituesi i këtij viti Luka Modrici, Ronaldo, Antoine Griezmann dhe Kylian Mbappe.
Kjo ishte hera e parë që prej vitit 2006 që Messi, i cili i ndihmoi Barcelonës ta fitojë La Ligën, Kupën e Mbretit dhe Super Kupën e Spanjës këtë vit, lihet jashtë top treshes në Topin e Artë.
Megjithatë, përfaqësuesi argjentinas e bëri Topin e Artë 2018 të dukej qesharak me paraqitjen e tij ndaj Espanyolit të shtunën mbrëma.
Messi pati një paraqitje magjike duke e frymëzuar Barçën drejt triumfit 4-0 ndaj rivalit katalonas.
Gazetari Andy Mitten, i cili e ka përcjell Messin nga afër gjatë karrierës së tij të bujshme, shkroi në Twitter pas pjesës së parë: “Nuk e mbaj në mend një pjesë të parë më të mirë nga Messi. Është për t’u habitur çfarë paraqitje e mirë”.
Messi nuk e uli ritmin as në pjesën e dytë.
Pasi e kishte shënuar një gol mahnitës nga gjuajtja e lirë dhe kishte dhuruar një asist për Ousmane Dembelen në pjesën e parë, Messi realizoi edhe një tjetër gol nga goditja e lirë në pjesën e dytë.