Mbrojtësi dhe një nga lojtarët më jetëgjatë te Real Madridi, Marselo ka folur për mediat spanjolle ditën e sotme, ku ka prekur disa tema që qarkullojnë rreth madrilenëve.
Marselo përmendi kritikat që “Los Blancos” kanë marrë kohët e fundit, mungesën e rezultateve, si dhe largimin e Ronaldos. Në fjalën e tij, braziliani tha:
“Çdo gjë nga jashtë nuk na prek dot. Kur fitojmë një lojë, e dimë se ne nuk jemi më të mirët në univers, por kur humbim ne jemi më të dobëtit.
Situata? Ne ende nuk kemi arritur në shkurt, që është muaji kur fillon sezoni. Nuk ishte normale të nxirrnim konkluzione në dhjetor.
Ronaldo është një lojtar i cili, përveç se është një futbollist i madh, është dhe miku im. Është e qartë se nëse lojtari më i mirë në botë nuk është në ekipin tënd, nuk arrin të fitosh”,- përfundoi Marselo.
