Gjatë një eventi të zhvilluar për promovimin e marrëveshjes së tij të re me Adidas, Isco, protagonisti që po përjeton momentet më të vështira të karrierës së tij te Real Madrid, ndër të tjera pranoi të flasë edhe për ndryshimin e madh te Los Blancos, rikthimin e trajnerit Zinedine Zidane.
“Ne të gjithë e njohim mirë Zidane. Si futbollist te Real Madrid ai ka qenë mbresëlënës, ndërsa si trajneri fitoi gjithçka, prandaj rikthimi i tij në Madrid është lajm i mirë për të gjithë”, deklaroi Isco.
“Vetë rikthimi i tij në këtë moment të komplikuar tregon shumë për vlerat e Zidane. Ai veprim thotë gjithçka për atë. Zidane e dashuron Real Madrid-in dhe shpresojmë që të na ndihmojë të rikthehemi në rrugëtimin tonë të fitoreve e triumfeve”, u shpreh yli i Spanjës dhe Real Madrid, që nuk ishte pjesë e planeve të ish-trajnerit Solari.
